pb 56 ravecques bien IIC hommes de la ville, la quelle fut toute pillee et robee, avecques les grans avoirs qui dedens estoient, qui tous furent chargiéz sur chars et sur charrettes et envoiéz a Chimay, et si pres de toute arse. Siques les Hanuyers se logierent ce soir sur la riviere, et l’endemain ilz chevauchierent devers Mauberfontaines.
SHF 1-97 syncAprés la destruccion d’Aubeton, les Hanuyers et leur route s’acheminerent devers Mauberfontaines, ou sitost qu’ilz y parvindrent, ilz la conquistrent, car il n’y avoit point de deffense, et la pillierent et roberent et puis l’ardirent. Et puis la ville d’Aubecueil et Seigny le Grant et Seigny le petit, et tous les hameaulx et villages de la environ, dont il en y avoit plus de XL.
¶ Ainsi se contrevengierent a ce commencement les Hanuyers des dommaiges que on leur avoit faiz, tant en la terre de Chimay comme a Aspre. Mais depuis les François leurs firent chier comparer, si comme vous pourréz oir ça avant en l’istoire.
¶ Depuis ceste chevauchee faite, le conte de Haynault se traïst devers la ville de Mons, si donna congié a toutes manieres de gens d’armes, et les remercia moult grandement de leur service, et tant fist que chascun se parti bien comptent de lui. Puis s’en rala chascun en son lieu.
¶ Asséz tost aprés, prist il voulenté au dit conte de s’aler esbatre en Angleterre et faire certaines alliances au roy, son serourge, pour estre plus fort en sa guerre, car bien penssoit que la chose ne pouoit ainsi demourer, car le roy, son oncle, feroit une chevauchee contre lui, si comme il disoit. Pour quoy il lui sembloit bon d’avoir l’alliance des Anglois, Flamens Braibançons et autres. Si manda le dit conte tout son conseil a Mons en Haynault, et leur monstra son entente. Puis ordonna et institua monseigneur Jehan de Haynault son oncle a estre maistre et gouverneur de Haynault, de Hollande et de Zellande. Puis se parti de la a privee mesgniee, tant qu’il arriva a Dourdrech en Hollande et la monta en mer pour arriver en Angleterre.
¶ Or nous tairons un pou des besoingnes du conte et parlerons de celles de Haynault, et comment grans aventures avindrent en son païs endementres qu’il fut dehors.
SHF 1-98 syncVous avéz bien ouy ci dessus comment messire Jehan de Haynault demoura maistre et gouverneur des trois païs par l’ordonnance du conte. Si obeirent tous les hommes des trois païs a lui comme au seigneur, jusques a tant qu’il revint. Si se tint le dit messire Jehan de Haynault en la ville de Mons, et pourvey le païs et garmbien et souffisantment et de bonnes gens d’armes, et especiaulment sur les frontieres de France.
¶ Si envoya IIII chevaliers en la ville de Vallenciennes, pour conseillier et aidier la ville et les bourgois et la pb 56 v
Launch external viewer (Requires Java)
