Online Froissart
Home  |  Navigate  |  Apparatus  |  Search  |  About The Edition  |  About The Project  |  Help
Dictionnaire du Moyen Français    Settings    Browse  |  Collate      
Navigate | Close
Preferences
Text / Image Only
Besançon 865
Codicological description
Previous | Folio 385 r | Next

gleterre a soustenir sa querelle, car celluy d’Angleterre lui estoit plus prouchain que celluy de France, et sy avoit a eulx plus d’affeccion.

On lui mettoit avant a la foiz que les Braibançons lui faisoient grant tort de ces trois chasteaulx dessus nomméz que le duc et la duchesce de Braibant tenoient a l’encontre de luy. Il disoit bien: "Souffréz vous, il n’est riens qui ne viengne a tour. Il n’est pas heure encores de moy resveiller, car nostre cousin de Braibant a trop de grans amys, et si est trop saige chevalier. Mais il pourra encores bien venir un temps que ie me resveilleray tout acertes." Ainsi demourerent les choses en cel estat, et tant que Dieu clouy ces jours au gentil duc Wincellant de Bouesme, duc de Luxcembourc et de Braybant, si comme il est contenu cy dessus en nostre hystoire.

SHF 3-233 sync

A la mort de ce gentil duc perdy grandement la duchesce de Braybant, aussi firent toutes ses terre. Le jeune duc de Guerles, qui ja estoit asséz chevalier pour courroucier ses annemis, mist en termes que il raroit les trois chasteaulx dessus nomméz pour qui le debat estoit et avoit esté aussi entre Braibant et son oncle messire Edouart de Guerles, et envoya pour traittier devers la duchesce de Braibant que elle lui voulsist rendre pour la somme de l’argent que on avoit presté sus, et que on ne les tenoit que pour gaige. La dame respondy a ceulx qui envoyéz y furent que elle estoit en saisine et possession des chasteaulx et que elle les tendroit pour elle et son hoir comme son bon heritaige. Mais, voulsist le duc de Guerles nourrir amour et bon voysinaige a Braibant, et remeyst arrieres la ville de Grave que indeuement il tenoit sus la duchié de Braibant.

Quant le duc de Guerles ouy ces responces, sy ne lui furent pas bien agreables, mais les prinst en despit. Et n’en penssa pas moins et getta sa visee sus le chevalier qui souverain regart des chasteaulx estoit, messire Jehan de Grossolt, pour lui attraire pour avoir par rachat ou autrement, et fist couvertement traittier devers luy. Le chevalier, qui estoit saiges et loyaulx, n’y voulst entendre et dist que de telle chose on ne luy parlast plus, car pour mort a recepvoir on ne trouveroit ja fraude en luy, ne que il voulsist faire nulle traÿson envers sa naturelle dame.

Quant le duc de Guerles vit ce, si comme je fus adoncques infourméz, il fist tant devers messire Regnault de Sconnevort que il emprinst une hayne a petite achoyson devers le chevalier, et tant que sus les champs une foiz il l’encontra ou fist encontrer par ses gens et trouver par une embusche ou autrement, et fut messire Jehan Grouselt occis. Dont madame de Braibant fut grandement courroucee, et aussi fut tout le paÿs, et furent les chasteaulx mis en autres gardes par l’accord de la duchesce et du conseil de Braibant.

Ainsi se demenerent ces choses plusieurs annees, et se nourrissoyent haynes couvertes et estoient nourries de longtemps, tant pour la ville de Grave que pour ces chasteaulx, entre le duc de Guerles et la duchesce de Braibant et leur paÿs. Et tenoyent ceulx des frontieres de Guerles rumeur et mautallent couvert aux Braibançons a eulx mar

Launch external viewer    (Requires Java)