estoit. Car, quant il se departy d’Amiens pour
aler en Flandres, on l’envoya la tenir son es
tat. Le roy fut, ne sçay quans jours, a Creilg
et la royne, et s’en departirent. Sy aprou
chierent Paris, et vint la royne au boys
de Vinciennes, et la se tint, et le roy a Paris.
Et estoit on bien embesoingnéz d’entendre
a l’ordonnance et arroy du conte de Vallois.
Car on vouloit que tresestoffeement il
s’en alast en Hongrie, dont on le tenoit
pour roy, mais les choses se transmue
rent autrement dedens briefs jours ou
royaulme de Hongrie, si comme je vous re
corderay presentement.
SHF 2-464 sync Bien est verités que la royne de Hon
grie, mere a la jeune dame, qui
hoirs estoit de Hongrie et laquelle le con
te de Valloys par procuracion, si comme
cy dessus est dit, avoit espousee, avoit gran
dement son affeccion et plaissance a Lo
ÿs de France, conte de Valloys, et tenoit
sa fille a treshaultement et bien assi
gnee, et ne desiroit autruy veoir ne avoir
que le jeune conte a filz et a roy, et pour
ce y avoit elle envoyé l’evesque de Basse
rez et grant foyson de ses chevaliers, affin que
les besoingnes se approuchassent. ¶ Or
advint, entrementes que ces ambaxa
deurs vindrent en France, que le roy
d’Allemaigne, et qui roy des Rommains
s’escripsoit, avoit un frere qui s’appelloit
Henry, mainsné de luy, lequel estoit
marquis de Blancquebourc. Le roy des
Rommains entendi et estoit tous infourméz
tout de l’estat et des traittiéz de Hongrie,
et comment son cousins, le frere du roy
de France, devoit avoir a femme l’eritie
re et royne de Hongrie, et ja l’avoit espou
see par procuracion, et que l’evesque de
Basserez et aucuns chevaliers de Hongrie l’es
toyent aléz querre. Ce roy d’Allemaigne,