Close

fol. 59r: Giac Master. Battle of Sluys (1340). Describing the defeat of the French fleet off the Flemish coast to the NW of Bruges near the Zwin estuary, on 24 June 1340, Froissart writes: ‘The battle of which I speak was extremely grim and terrible, for battles at sea are more severe than those on land; for at sea there is no opportunity for retreat or flight, but men must sell themselves dearly and fight hard, and await what must befall, and each and every man must look to his own courage and prowess’ (Book I, ed. Diller-Ainsworth, p. 293; tr. PFA). The Giac Master’s composition shows us two galleys confronting one another near the shore; the reality of the matter was that the French fleet comprised no fewer than 200 vessels.

Codicological Description ...

pb 59 r personnellement, et grant foison d’autres seigneurs. Le sire de Maubuisson salua le roy, le duc et tous les seigneurs, et relata son message bien et deuement.

¶ Quant il fut ouy et entendu, on lui respondit moult briefment, et dist on: "Vous diréz depar nous a cellui qui cy vous envoye que, en tel estat que nous avons ja tenu le conte jusques a ores, nous le tenrons de ça en avant. Et lui ferons engagier toute sa terre, et ainsi sera il guerroiéz de tous costéz. Et quant bon nous semblera nous enterrons en Haynault si a point que nous parardrons le païs."

¶ Ces parolles, ne plus ne moins, rapporta le sire de Maubuisson a messire Jehan de Haynault, qui l’attendoit sur la riviere, lequel lui en rendit moult de grans mercis. Lors s’en retourna arriere le gentil chevalier messire Jehan de Haynault qui l’attendoit sur la riviere devers son nepveu, et le trouva qui jouoit aux eschas au conte de Namur. Lequel se leva sitost qu’il vit son oncle, et lui demanda nouvelles. " Sire," dist il, "a ce que je puis veoir, le roy de France et son conseil prennent grant plaisir en ce que vous sejournéz et demouréz cy a grans fraiz et a grans despens, et dient et vous mandent qu’ilz vous feront despendre et engagier toute vostre terre. Et toutes et quantes fois que bon leur semblera, il vous combatront et entreront en vostre païs, et non pas a vostre voulenté ne a vostre aise mais a la leur."

¶ De ces response fut le conte de Haynault moult courroucié, et dist qu’il n’en yroit mie ainsi.

Nous nous tairons un petit a parler du duc de Normendie et du conte de Haynault, et parlerons du roy anglois qui s’estoit mis sur la mer pour venir et arriver en Flandres, et de la venir en Haynault pour aidier au conte, son serourge, pour guerroier contre les François. Ce fut le jour devant la vigille saint Jehan Baptiste, l’an mil CCC et XL , qu’il nagoit par mer a belle charge de vaisseaulx, et estoit toute sa navie partie du havre de la Tamise, et s’en venoit droittement pour arriver a l’Escluse.

¶ Adoncques estoient entre Branquebarge et l’Escluse sur la mer messire Hue Kierés, messire Pierre Bahucés et Barbenoire a plus de VIXX gros vaisseaulx sans les hoquebos. Et estoient bien tant de Normens, de Picars et de Bretons comme de Gennevois, jusques a XLM . Et la estoient encréz et arrestéz au commandement du roy de France pour attendre la revenue du roy d’Angleterre, car bien sçavoient qu’il devoit par la rapasser. Si lui vouloient deffendre le chemin passage, comme ilz firent bien et hardiement, tant comme ilz peurent, comme vous orréz recorder.