pb 175 r le chastel d’Aigle, dont le duc luy en sceut bon gre.
¶ Quant toutes ces gens d’armes furent ensemble, ilz se trouverent bien VIIC lances sans les Gennevoys et les gros varlés et estoyent en somme bien deux mille combatans. Adonc getterent ilz leur advis ou ilz se trairoyent premierement, ou devant Bretueil ou devant Taillebourc ou devant Montleu. Tout consideré et pour le meilleur ilz distrent que ilz yroient devant Montleu pour tant que c’est un chasteau desus les landes de Bourdeaulx et ou chemin de Bourdeaulx. A tout le moins se ilz l’avoyent, tous les autres en seroyent plus foybles et ne pourroit nul yssir de Bourdeaulx qu’ilz ne le sceussent. Sy cheminerent celle part et passerent Angoulesme et vindrent devant Montleu et la mistrent le siege et estoient conduiseurs des gens d’armes au duc de Bourbon et de tout l’ost messire Jaquemez Ponssart et messire Jehan Bonne Lance. Ces gens d’armes n’arresterent gaires devant Montleu quant ilz s’ordonnerent a assaillir et appresterent leurs attournemens d’assault et leurs eschielles et commencierent a assaillir le chastel et a environner de grant maniere et eulx a deffendre de bonne voulenté. La ot je vous dy assault dur et fier et bien continué et fait de grans appertises d’armes sus eschielles, car les Françoys montoyent delivreement et se combatoyent sus les murs main a main et de daignes et firent tant les Françoys que par bon assault le chastel fut prins et conquis et ceulx de dedens mors, petit en y ot de sauvéz. Quant lez seigneurs de France orent la possession de Montleu, ilz le remparerent et refrechirent de nouvelles gens et de pourveances et puis s’en vindrent le chemin de Taillebourch sus la Tarente de laquelle forteresce Durandon de la Perade, un Gascong estoit cappitaine, appert homme d’armes estoit, et ne fist pas grant compte des Françoys quant ilz vindrent. En venant vers Taillebourc, le duc de Bourbon et ses routes prindrent deux petis fors d’Angloys, lesquelz toute la sayson avoient moult heriéz les Françoys de Poitou et de Limosin, la Troussete et Archiac, et furent mors tous ceulx qui dedens estoyent et le chastel rendu a tous ceulx du paÿs d’environ et les abatirent tous II.
SHF 2-438 sync Comment le pont de Taillebourc fut prins des Françoys et comment les Angloys se fortiffieront contre la venue des Françoys et comment l’admiral de France et sa route arriverent en Escoce.Or fut mis le siege devant le chastel de Taillebourc et fut assis par quatre bastides et par quatre lieux. A Taillebourc a un pont qui siet sus la Tarente et l’avoyent les Angloys et les Gascongs fortiffié, et toute la sayson point de navire alant a La Rochelle et en Xanttonge n’avoit peu passer fors en grant dangier et par treuaige. Lors s’advisierent les seigneurs qu’ilz prendroient le pont, sy auroient moins a faire et se logeroyent plus seurement en leurs pastides. Adonc ordonnerent ilz par quelle maniere. Ilz feyssent venir de La Rochelle nefs armees et toutes appareillees contremont la Tarente et mistrent dedens grant foyson d’arbalestriers et de Gennevoys et envoyerent ces gens escarmouschier a ceulx du pont. La ot dur assault, car les Angloys et les Gascoings avoient malement le pont forpb 175 v
Launch external viewer (Requires Java)
