pb 2 v vin et ly Saintongier obtindrent la place, et furent leurs ennemis desconfis et tous mors ou pris et amenéz en La Rochelle. Tantost aprés ceste advenue les seigneurs dessus nommés s’en alerent devant le chastel de Bouteville qui fut pris, et legier estoit a prendre. Car on n’y trouva nulluy. Ainsi fut Bouteville françoys, dont tout le paÿs d’environ ot grant joye, et demoura Eliot de Plaisac en prison ung long temps.
SHF 2-86 sync Comment le message du roy Charles de France fut empeschié de son voyage en Escoce, et le contempt qui vint entre le roy et le conte de Flandres et autres de son païs.En ce temps retournerent en Angleterre messire Thomas Trivéz, messire Guillaume Helmen et aucuns chevaliers et leurs routes qui avoient esté en Espaigne et aydié a faire la guerre du roy de Navarre.4 Si se trayrent tantost devers le roy d’Angleterre, qui pour ce temps estoit a Cartasee, et ses deux oncles, le duc de Lancastre et le conte de Canthebruge, deléz lui. Si furent les diz chevaliers lyement recueilliz du roy et des seigneurs, et furent enquis et examinéz a dire nouvelles. Ilz en dirent asséz, toutes celles que ilz sçavoient, et comment li affaires s’estoit portés en Espaigne et en Navarre, et de la paix qui estoit entre le roy d’Espaigne et le roy de Navarre, et comment le dit roy de Navarre avoit marié Charles, son ainsné filz, a la fille du roy damps Henry, et tout de point en point comment les traittiéz s’estoient portéz. Le duc de Lencastre et le conte de Cantebruge estoient durement pensiz sus ces parolles. Car ilz se disoient et tenoient hoirs de toute Espaigne depar leurs femmes.5 Si demanderent ou quel temps le roy Henry bastart estoit mort et se ly Espaignols avoient couronné a roy son filz. Messire Thomas Trivet et messire Helmon respondirent, et chascun par soy: " Mes chiers seigneurs, a la mort du roy Henry ne au couronnement de son filz ne fusmes nons pas. Car pour ce temps nous estions retraiz en Navarre, maiz veéz cy un herault qui y fut, si le pouéz savoir par lui, se il vous plaist", et cetera.
¶ Adonc fut le herault appelléz et demandéz du duc de Lancastre comment li affaires avoit alé. Il en respondi ainsi et dist: "
Monseigneur, a la requeste de vous j’en parleray, entrementres que mes seigneurs qui cy sont, estoient a Pamppelune, qui attendoient l’accomplissement des traittiéz qui faiz estoient, par leur traittié et congié je demouray deléz le roi de Navarre moult honnoréz de lui et de ses gens, me party de Pampelune en sa compaignie, et vint le roy a Saint Dominige, contre sa venue yssi hors le roy Henry a grant gent, qui en amour et par bonne paix l’attendoit, et fut le roy de Navarre moult honnouréz de lui et de ses gens, et lui donna ce soir a soupper moult honnestement.6
¶ Aprés soupper nouvelles vindrent que un sainglier estoit ens es landes couchié pres de la, si fut ordonné que l’andemain on l’iroit chacier, a celle chace furent les deux roys et leurs veneurs, et fut le senglier pris, et retournerent en grant amour ce soir a Saint Domminge.
¶ A l’endemain se departy le roy Henry et s’en ala a Pierre Ferarde pour une journee que il avoit la contre ses gens, la lui prist une maladie dont il mourut, et sceut sa mort le roy de Navarre sur les champs. Car il le venoit veoir, adonc retourna il tous courrouciéz et je pris congié a lui en son paÿs. Si m’en pb 3 r
Launch external viewer (Requires Java)
