pb 377 vsur les Anglois que bien adviserent leurs deux batailles et quelle quantité de gens ilz pouoient bien estre. SHF 2-25 sync Quant les coureurs escoçois orent bien advisé le convenant des Anglois si retournerent a leurs maistres et leur recorderent tout ce qu’ilz avoient trouvé et veü et leur distrent: "Seigneurs, nous avons chevaulchié si avant en approuchant les Anglois que nous avons advisé leurs convenans. Et vous disons que ilz vous attendent en deux belles batailles ordonnees sur ungs plains et peuvent bien estre en chascune bataille VM hommes, si ayés sur ce advis. Nous les approuchasmes de si pres que bien congneurent que nous estions coureurs escocs mais ilz n’en firent semblant nul ne oncques nul ne se desrouta pour chevaulchier sur nous."
¶ Quant messire Arcembault Douglas et les Escocs qui la estoient oirent ces paroles si furent tous pensifz et distrent: "Nous
ne pouons veoir que nostre prouffit soit de chevaulchier maintenant plus avant sur
les Anglois, car ilz sont dix contre ungs de
nous et tous gens de fait, si y pourrions plus perdre que gaigner. Et fole emprise ne fut
oncques bonne faite." La avoit Alixandre Ramesay ung vaillant chevalier a oncle qui s’appelloit Guillaume de Lindesee qui
mettoit grant peine que son nepveu si feust confortéz et disoit: "Seignours, mon nepveu, sur la fiance de vous et de vostre confort a fait sa
chevaulchee et pris le chastel de Bervich. Si vous tournera a grant balsme s’il
est perduz et une aultre fois ceulx de nostre costre costé ne s’aventureront
pas si voulentiers." La respondirent les aultres et disoient que on
ne le pouoit admender et que tant de bonnes gens qui la estoient ne se pouoient pas
mettre en l’adventure d’estre perduz par l’emprise d’un escuier. Et fut accordé entre
eulx du retraire plus avant en leur païs et logier sur les montaignes pres de la riviere de Tinde. Et la se retrahirent tout bellement et par loisir.
¶ Quant le conte de Northombrelande et le conte de Nortinghen et les barons d’Angleterre perceurent que les Escocs ne trairoient point avant si envoierent leurs coureurs a sçavoir qu’ilz estoient devenuz. Ilz rapporterent qu’ilz estoient retraiz vers la Morlane oultre le chastel de Rosebourch. A ces nouvelles sur le soir se retrahirent tout bellement les Anglois en leurs logeis et firent bon gait jusques a l’andemain SHF 2-26 sync environ heure de prime. Et firent toute maniere de gens d’armes et d’archiers appareillier pour aler assaillir le chastel de Bervich. Et lors commença l’assault qui fut grant et fort et dura tout le jour jusques a remontee. On ne vit oncques de si pou de gens si bien tenir ne deffendre que les Escocs faisoient ne aussi chastel assaillir si asprement. Car on avoit en plusieurs lieux eschielles drecees contre les murs et la montoient gens d’armes les targes sur leurs testes et venoient combatre main a main aux Escocs. Si estoient aulcune fois ruéz jus et renverséz ou fossé. Et ce qui plus ensonnioit et travailloit les Escocs c’estoient les archiers d’Angleterre qui traioient si onniement que a peines osoit nulz pb 378 r
Launch external viewer (Requires Java)
