The Online Froissart

Select a word to collate against Settings Browse | Collate

pb 182 rle duc de Bourgoingne, le conte de Saint Pol et le connestable de France le sire de Coucy et grant baronnie de France en sa compaignie, et s’en vint a Arras. Quant il s’en parti, sy ne fut la que une nuit et vint a l’andemain gesir a Lans, et tousjours venoyent gens d’armes de tous coustéz. Puis vint le roy a Seclin et a Lisle, et passa oultre, et vint a Yppre, et a l’andemain, le premier jour d’aoust, il fut devant le Dam, et se loga si pres de la ville que le trespassoit pardessus sa teste. Trois jours aprés, vint Guillaume de Haynault, qui fut le bienvenu du roy et du duc de Bourgoingne. La fut mis le siege devant le Dam, grans et beaulx, et enclos Françoys Acremen dedens, qui s’i porta vaillamment, et tous les jours, se il n’y avoit trieves ou respis, y avoit assaulx ou escarmousches de ceulx dehors a ceulx dedens. Et fut le sire de Clary, qui estoit maistre des canons le sire de Coucy, en alant veoir les canons, traïst d’un carrel de canon de ceulx de dedens, duquel trait il mourut, dont ce fut dommaige. Au siege du Dam vindrent ceulx des bonnes villes de Flandres, d’Yppre, de Bruges et de tout le Franc de Bruges, et avoit a ce siege plus de cent mille homme, et estoit le roy logiéz entre le Dam et Gand, et estoit cappitaine de toutes ses communaultéz le sire de Saint Py, et avoit a compaignon le seigneur de Guistelles, atout XXV lances, estoient ilz logiéz droit enmy eulx, afin que ilz ne se resveillaissent.

SHF 2-457 sync Comment aucuns bourgoys de l’Escluse furent decoléz pour une trayson qu’ilz avoyent pourpenssee contre l’ost du roy, et l’Escluse, et comment un eschange se fist entre le duc de Bourgoingne et messire Guillaume de Namur, et comment le siege du Dam se persevera.

A un assault qui fut fais devant le Dam, ou tous les seigneurs furent, qui fut tresgrans et tresdurs et qui dura un jour tout entier, fut fait chevalier nouvel Guillaume de Haynault de la main et de la bouce du roy de France, et bouta hors ses bannieres, et fut tresbon chevalier en sa nouvelle chevalerie. A cel assaut ne conquistrent riens les Françoys, mais y perdirent plus que ilz n’y gaingnerent. Car Françoys Acremen avoit avecques luy archiers d’Angleterre, qui grevoit moult les assaillans, et aussi il y avoit grant foyson d’artellerie. Car la ville, en devant que elle feust prinse, en estoit bien pourveue et aussi ilz en avoient fait venir et aporter de Gand quant ilz seurent que ilz aroient le siege. Entrementes que on seoit devant le Dam, ceulx de l’Escluse, voire les aucuns et les plus nottables de la ville qui pour le temps l’avoient a gouvrener, furent encoulpéz d’une grande trayson que ilz vouloyent faire au roy de France. Car ilz devoient livrer l’Escluse a ses annemis, et devoyent leur cappitaine et toutes ses gens (un chevalier qui s’appelloit le seigneur de Harbaumés) murdrir en leurs lis, et devoyent bouter le feu en la navie du roy de France, qui la s’arrestoit a l’ancre, qui estoit grande et grosse, et moult y avoit de belles pourveances. Car, en devant la prinse du Dam, le roy de France avoit entencion d’aler en Escoce aprés son admiral. Encores devoyent ces malles gens de l’Escluse rompre les dicques de la mer, pour noyer tantost l’ost, et de ce pb 182 v

Launch external viewer (Requires Java)

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters SHF Chapters Printed Editions
Go To:

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.