par la grace de Dieu, ilz ne me voyent
et je les deffailloie d’ordonnance et de con
seil qui suis usagié de telz faiz en telz cho
ses, ilz en seroient tous esbahiz et en re
chevroye blasme et pourroient dire les
aucuns que je me seroie dissimulé et que
couvertement je auroye tout ce fait et ad
visié pour fouyr les premiers horions.
Sy vous prie, treschiers sires, que vous ne
vueilléz mie brisier ce qui est fait et ar
resté pour le meilleur, et je vous dy que
vous y aréz prouffit." Le roy ne sceut que
dire sur ceste parolle, aussi ne firent
ceulx qui deléz luy estoient et qui enten
du l’avoyent fors tant que le roy dist
moult saigement: " Connestable, je ne
dy pas que on vous ayt en riens desveu
que en tous cas vous ne vous soyéz tres
grandement acquittiéz et ferés encores,
c’est nostre entente, mais monseigneur
mon pere vous amoit sur tous autres
et se confioit en vous, et pour l’amour
qu’il y avoit et la grant confidence, je vous
vouloye avoir deléz moy a ce besoing et
en ma compaignie." " Treschiers sires," dist
le connestable, "vous estes si bien accompai
gniéz et de si vaillans gens, et tout a esté
fait par si grant deliberacion de conseil que
on n’y pourroit riens admander et ce
vous doit bien et a vostre noble conseil
souffire. Sy vous prie pour Dieu, laissiéz
moy convenir en mon office et vous
auréz demain par la grace de Dieu en
vostre joyeux advenement si belle jour
nee et adventure que tous voz amis
en seront resjouys et voz annemis cour
rouciéz." ¶ A ces parolles ne respondi
riens le roy fors tant qu’il dist: " Connes
table, et je le vueil, et faittes ou nom de
Dieu et de monseigneur saint Denis vostre
affaire et office je ne vous en quier plus pb 132 v