Online Froissart
Home  |  Navigate  |  Apparatus  |  Search  |  About The Edition  |  About The Project  |  Help
Facsimile mode    Settings    Browse  |  Collate      
Navigate | Close
Preferences
Text / Image Only
Besançon 865
Codicological description
Previous | Folio 146 r | Next
pb 146 r C XLVI

Flandres de luy." "En nom Dieu," ce dist l’e
vesque, "nous y tenons a seigneur le
roy de France ou le duc de Bourgoingne,
noz annemys. Car par puissance ilz
ont en celle sayson conquis le paÿs."
"Sauve soit vostre grace," respondirent
les chevaliers, "la terre fut a Tournay lie
gement rendue et mise en la main
et gouvernement de monseigneur
Loÿs conte de Flandres, qui nous en
voye devers vous en priant que nous,
qui sommes de foy et de penssion au
roy d’Angleterre vostre seigneur ay
ons un saufconduit pour aler en
Angleterre et pour parler au roy
assavoir pourquoy sans deffier il
fait guerre a monseigneur le con
te de Flandres et a son paÿs." Lors res
pondi l’evesque: "Nous aurons advis
et conseil de vous respondre et vous
en respondray au matin." Pour l’eure
ilz n’en porent autre chose avoir. As
séz leur souffisist, si se trayrent a leurs
hostelz et laissierent les Angloys
conseiller, qui orent ce soir conseil en
semble tel que je vous diray. SHF 2-366 sync La res
ponce que l’evesque de Nordvich et les
Angloys firent aux legatz du conte de
Flandres et de l’assemblee que ceulx de
Cassel et du paÿs environ firent.
Tout consideré et regardé leur fait
et leur emprinse qu’ilz avoient
empris, ilz dirent que a ces chevaliers ilz
n’accorderoyent nul saufconduit pour
aler en Angleterre, car le chemin est
trop long, et entrementes qu’ilz yro
yent et retourneroyent et que le pa
ÿs seroit en seür, ilz se pourroient
malement fortiffier et le conte, qui
est soubtil, signiffier son estat au roy
de France ou au duc de Bourgoingne,

par quoy dedens briefs jours ilz venroyent
tant de gens contre eulx qu’ilz ne seroyent
pas asséz fors du resister ne du combatre.
Ce conseil arresterent ilz. "Et quel chose
respondrons nous le matin a eulx?" Mes
sire Hue de Cavrellee en fut chargiéz du
dire et de en donner le conseil, sy dist ain
si a l’evesque: " Sire vous estes nostre chief. Sy
leur dirés ainsi que vous estes en la terre
de la duchesce de Bar, qui est Clementine,
et pour Urbain et non pour autre vous
faittes guerre, et se les gens de ceste terre
et les abbayes veullent estre bons Urba
nistes et cheminer avecques vous ou vous
les menrés, vous passerés parmy le paÿs
et ferés passer voz gens paysiblement par
payant tout ce qu’ilz prendront. Mais
tant que de eulx donner saufconduit d’a
ler en Angleterre, vous n’en feréz riens.
Car nostre guerre ne regarde de riens
la guerre du roy de France ne du roy d’An
gleterre mais sommes souldoiers au pape
Urbain, et il m’est vis que ceste responce
doit souffire." Tous ceulx qui la estoient,
l’accorderent et especiaulment l’evesque,
qui n’avoit cure quel chose on fesist, mais
que on se combatesist et que on guerroy
ast le paÿs. Ainsi demoura la besoingne
celle nuit. Quant ce vint a l’andemain
aprés messe, les deux chevaliers du conte, qui
desiroyent a faire leur voyaige et d’avoir
responce, s’en vindrent a l’ostel de l’evesque
et attendirent tant qu’il ot ouye sa mes
se. Aprés sa messe ilz se mistrent en sa
presence. Il leur fist bonne chiere par sem
blance et jangla un petit a eulx d’autres be
soingnes pour detrier tant que ses chevaliers
feussent venuz. Quant ilz furent tous
ensemble l’evesque parla et dist ainsi:
" Beaulx seigneurs, vous attendéz responce,
vous l’auréz. Sus la requeste que vous avéz pb 146 v

Launch external viewer    (Requires Java)