"Ha!" dist il, " Bretons sont malle gens. Ilz pille
ront et ardront la ville, et puis ilz party
ront. Et quel cry crient ilz?" demanda le chevalier.
"En nom Dieu, sire, ilz crient La Tremouille."
Adonc fist le chevalier clorre et fermer son
hostel et s’arma, et toutes ses gens aussi
s’armerent, et se tindrent la dedens pour
veoir se point de rescousce il y aroit, mais
nennil, car tous estoient sy esbahiz que
ilz fuioient, l’un ça et l’autre la, les povres
gens au moustier; et les aucuns vuidoient
la ville par une autre porte et guerpisso
ient tout. Ces Françoys bouterent le feu
en la ville pour plus encores esbahir les
gens en plusieurs lieux, mais il y avoit
grans hostelz de pierre et de brique, sy
ne se pouoit le fons atachier ne prendre
legierement. La greigneur partie de la ville
fut toute arse et fut toute pillee et robee
que riens n’y demoura de bon, tant que
ilz le peussent trouver; et orent des plus
riches hommes de la ville a prisonniers,
et fut prins le chevalier angloys en bon cou
venant, car quant il vit que tout aloit
mal, il fist son hostel ouvrir, car il doubta
le feu, pour tant que de premier il veoit
grans fumieres en la ville. Et se mist de
vant son hostel, son pennon devant luy
et ses gens, archiers et autres, et la se def
fendirent vaillamment et bien, mais en
la fin il fut prins et se rendi prisonnier
a messire Guillaume de la Tremouille, et toutes
ses gens furent prins, petit en y ot de
mors. ¶ Quant les Françoys orent fait
leur voulenté de la ville de Scraule en Guer
les et leurs varléz orent mys en voye tout
leur pillaige, ilz s’en partirent car ilz
n’eurent pas conseil de la tenir; ilz eussent
fait follie. Et se mistrent au chemin et au
retour devers leurs garnisons dons ilz estopb 390 v