ment nous n’en ferons riens, et ja ont ilz
reffait le pont de Brehain que on avoit rom
pu sus la riviere de Aust." ¶ Quant le duc
ouy ces nouvelles, il penssa un petit, et
puis respondy: "Dieux y ait part! Ne vous ef
frayéz ne ne soussiéz de riens. Les choses
venront a bien. Ce sont gens qui ne vous
vuellent nul mal. Je suis en aucunes choses
tenuz envers eulx et ay traittiéz a eulx, les
quelz il fault que je porte oultre et que je
m’en acquitte. Sy m’en vays a Vennes, et
demain je croy bien que ilz vendront. Je ys
tray contre le conte mon frere et luy feray
toute l’onneur que je pourray. Car en veri
té je y suis tenuz. Du seurplus vous ferés
ainsi que je vous conseilleray, vous luy
offrerés et presenterés les clefs de la ville
et lui dirés que vous et toute la ville estes
tous prests et appareilléz de luy recepvoir
sauf tant que vous luy ferés jurer que
XV jours aprés ce qu’il en sera requis du
partir, il partira et vous rendra les
clefs de la ville. C’est tout le conseil que je vous
donne." Les bourgoys de Vennes qui chevau
choient deléz le duc respondirent ainsi et
distrent: " Monseigneur, a vostre ordonnan
ce nous en ferons." Depuis chevauchie
rent ilz tous ensemble jusques a Vennes,
et la se loga le duc celle nuit, et les Anglois
s’en vindrent logier a Saint Jehan, un vil
laige seant a deux petites lieues de Vennes.
Ce soir receut lettres le conte de Bouqui
ghem du duc qui luy escripsoit comme a
son chier frere et lui mandoit que il estoit
le bienvenuz en la marche de Vennes. A l’en
demain quant le conte ot ouy messe et
beu un coup, il monta a cheval et toutes ses
gens monterent et chevauchierent moult
ordonneement devers la cité de Vennes,
l’advant garde premierement, le conte
de Bouquighem aprés en sa bataille, et pb 52 v