The Online Froissart

Facsimile mode Settings Browse | Collate

pb 279 v

bastide et y bouter le feu dedens par
varlés qui estoient tailliéz de cela faire.
Ainsi furent delivrees par le duc de Len
castre les bastides de Brest, et ce jour
alerent veoir le duc et messire Jehan
de Hollande et aucuns des seigneurs
et non pas tous, le chastel de Brest, et
y menerent les dames, et y beurent
et mengierent et puis se retrairent
a leurs logeis. A l’endemain le tiers jour
ont rafreschi leurs nefs et garni d’eaue
doulce, et au quart jour ilz se retrairent
dedens et se desancrerent et puis s’en
departirent.
Le quart jour que ilz avoient esté
logiéz sur les champs au dehors
de Brest, ilz avoient eu conseil ensemble,
le duc, les seigneurs et les mariniers
de Portingal qui y furent appelléz pour
savoir quelle part ilz se trairoient ne quel
terre ne port ilz prendroient, ou se ilz
yroient a Lusebonne ou au Port de Por
tingal, ou se ilz prendroient terre en
Bisquaie ou a la Calonge ⁵³⁴. Si furent
sur cel estat les ducs et les seigneurs
longuement en conseil ensemble. Et
en fu demandé l’advis a Alphons Bretal,
maistre des navires du roy de Portin
gal, le quel respondi et dist: "Messeigneurs,
pour ce sui je envoié querre la vostre aide, et
tramis en Angleterre pardevers vous
que le roy de Portingal, mon seigneur, vous
escript que en quelque part que vous
arriveréz en son paÿs, vous seréz les biens
venuz et en aura grant joie. Car il desire
grandement vostre venue et vous veoir." On
fu sur tel estat un temps, bien une
heure, et fu deliberé que on yroit pren
dre terre au Port de Portingal a XXX
lieues de Lusebonne, et puis fu tout
destourné, car on dist que le plus hon
nourable estoit sans comparoison de
prendre terre sur la terre des ennemis

que terre sur ses amis, "et que les
ennemis, quant ilz sauront que nous
serons arrivéz sur eulx en auront
plus grant paour et plus grant freeur."
Dont fu arresté et accordé de prendre
terre a La Calonge en Galice. Celle
part tournerent les mariniers, les
quelz avoient vent et temps a souhait.
Et ne furent depuis que ilz se de
partirent de Brest que V jours sur
la mer, que ilz vindrent devant le
hable de La Calonge. Et la entrerent
en attendant l’eaue, car ilz avoient
basse yaue. Si ne pouoit on approchier
terre de si pres.
SHF 3-99 sync Or vous diray des chevaliers de
France, de monseigneur le Barroiz des
Barres, de messire Robert et de messire
Jehan de Braquemont, de messire Jehan
de Chastelmorant, de messire Pierre
de Villaines, de messire Tristan et
des autres qui estoient venus en pe
lerinage en la ville de Compostelle au
baron monseigneur Saint Jaques, en
grant devocion. Quant ilz orent fait
leur pelerinage et chascun son offrende,
et ilz se furent traiz a hostel, nouvel
les leur vindrent par ceulx qui de
mouroient sur les frontieres et bon
des de la mer que les Angloiz vou
loient venir, arriver et prendre terre
a La Calongne. Avant que sommiers
ne mulles ne chevaulx feussent trous
séz ne destabléz, qui leur hernoiz portoi
ent, ilz ordonnerent a partir tantost
et venir devers La Calongne, et se
mistrent a chemin pour conforter le
port de la ville et le chastel, et bien
distrent ceulx qui le chastel et la
ville de La Calongne congnoissoient :
"Avançons nous, car se les Angloiz
par mesaventure ou par force d’armes
prenoient la ville et le chastel de pb 280 r

Launch external viewer (Requires Java)

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters SHF Chapters Printed Editions
Go To:

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.